大學面試問題: 讀會計系的原因

港鐵天地
你好, 我將會準備non=jupas面試, in 會計系. 想問下以下內容發揮成點"

讀會計既原因

  • 道德操守: 因為每次做數和商業活動, 都要跟足晒法律同會計準則做野, 例如需要根據gaap去決定一筆開支係營運開支, 定係資本開支.
  • 謹慎處事能力: 會計師要確保過程同報告唔會出錯, 只要少少出錯, 足以影響成間公司運作, 甚至減低公眾的公信力, 更可能觸犯法律, 前途盡毀
  • 學會保持中立意見: 無論係邊間公司或者任何人, 對我係好定壞, 我都要根據會計準則, 作出公平, 中肯同客觀既分析同意見. 絕對唔可以偏幫某一方, 同時陷害另一方.
  • 學懂不同計量, 商業同法律技巧, 處理複雜既商業問題和法律問題, 例如處理錢債糾紛, 又或者運用數學技巧, 去計算如何在合理情況下減輕稅務同營運開支.

會計師應有性格

  • 與上面1-3相同
  • 時刻學習: 熟讀不同地方法律, 會計準則, 與及一切商業和管理技巧, 同時學習不同地方語言, 文化, 政治和金融政策. 以便到中國, 外國工幹, 加強與不同地方的員工和客戶溝通. 亦都要向前人汲取經驗, 加強工作技巧.
  • 在壓力下工作, 更可能要加班工作: 會計師需要接觸大量文件, 甚至係訴訟, 糾紛等等. 仲要面對客人好多要求, 例如要為佢地趕製文件, 又或者向稅務局報稅.
  • 良好領導能力: 會計師通常要指導下屬或者其他部門同事, 分工合作完成工作.
  • 溝通技巧: 會計師需要與其他部門和客戶合作, 例如市場部推廣新生意時, 會計部協助從財政上和數學上給予成本效益既意見, 或者係幫人事部計算新入職同事應有既工資. 另外需要學習更多語言, 尤其英文同普通話, 以便同其他唔識講廣東話既客戶溝通.

做會計可以學到咩

  • 人際溝通技巧
  • 處事能力(獨立和團隊)
  • 處理壓力
  • 誠信品格

請你地評理, 睇下我既意見講得好唔好.
以上只係個人意見, 並唔代表他人立場

 
bittermelon 坦白講, 你既答案太"行貨", 答呢d嘢, 可能會引起interviewer反感, 又或者引發佢地問你一d 好難既問題, 最終可能會降低你入學機會.

如果佢地問讀會計原因, 你最好都係誠懇d答番自己心中所想. 咁你既機會可能仲會大d.
若缺齋老人 諗起凡有人話"對會計有興趣"時,本豬都會反問幾句會計係乜東東;但信不信由你,無一例外佢地反應都係 ->

完全唔知係乜東東既野會"有興趣"?不過e樣冇得好話本豬為難你,鬼叫你話有興趣先會問你!

bittermelon 如果問我點解"對會計有興趣", 我會好直接咁答, 為咗 $$$$$$$.  但係夢想已經好早就破滅咗
CB1668(2) 由於我唔知你背景,
(例如, 已持有的學歷.)
所以係好難答你, 正如老版主所言,
如果你連會計係咩野一回事都唔知, 就講你對會計有興趣, 就必死無疑,
但如果你本身已擁有會計high dip, 又真係入過cpa firm 撈過暑期工,
結果又會係唔同.

面試問題, 無可能係必定岩, 亦無可能係必能唔岩.
我個人黎講, 唔止係prepare 點去回應, 而係要考慮埋人地的跟進問題,
正如你講完果一抽野之後,
人地隨時可以追問: "讀其他學科(做其他行業)唔須要你所講的野咩???"

(講真一句, 個人會建議你講心底果一句,
最少一件事, 你都識講ethics, 點解你講咁多門面野????)
若缺齋老人 諗起一個笑話:

有一個讀law既去in ICAC,個面試官正係問:"點解你有LLB又唔去做lawyer?",當然有好多門面答案,不過一時唔識反應真係企左在度!

唔好講入學,見工都一樣,樓主想學野就唔好當人係叉住你,學下點應付千奇百怪既反問,難為咁多老年人塞錢落你袋。

bittermelon 連你自己都唔知點解要揀 accounting, 外人又點會識答你呢?  呢d無 model answer既, 唔好咁懶諗啦, 自己諗清楚跟手寫低, 跟住當你自己係interviewer聽到呢d答案有乜反應, 咁先係辦法.
WYJIMMY 你試下AL 拎五A六A, 你screen 番佢轉頭……
bittermelon 如果我係 interviewer, 我會話, 律師, 醫生, 工程師 都係要"有時刻學習既熱誠", 都係要有"有良好品格,處事認真和細心"喎.

咁你點答?
bittermelon 例如
1) 我將來想要做特首 (因為澳門特首何厚鏵係CPA)
2) 我將來想要做上市公司CEO (例如Hutchison 的霍建寧係CPA)
3) 我亞爸係執業會計師, 將來要繼承佢間會計師樓, 所以我要讀會計
4) 我要發達, 因為會計師係"發三師"之一

又或者
5) 我想將來有一份穩定既工作, 在云云專業中, 會計相對穩定
6) 我天生對數字敏感, 喜歡將d數字搬來搬去. 會計工作啱哂我
7) 讀會計學到既知識能夠幫助我日後自己創業或有利於在商界發展

以上只係引子, 你仲要諗埋interviewer聽到後會問跟任你d乜.  例如如果你答"我將來想要做特首", interviewer 可能會問咁點解你唔去讀政治, 你可以答話如果我識會計, 咁就唔會咁易比d貪官欺騙倒. (雖然呢個例子只係講笑, 但係跟任呢個方法去諗就得啦.)

另外, 如果你跟以上既例子嚟答, 後果自負.  到時唔收唔好賴我.

About these ads
This entry was posted in 未分類. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s